EN
繁
呢個世界總會有人想起你
後來收到呢個客人嘅email, 原來真係佢！我叫佢做簡小姐👩🏻。
其實喺工作上遇到嘅supplier有好多，但呢個真係好記得：因為我及其他同事都覺得佢唔係人，而真係跌咗落嚟嘅天使 💫，唔屬於地面的。佢係好人到，連office裡面mean 爆嘅同事都會放佢一條生路。
離職之後都偶然有聯絡，但漸漸都係失聯。
有一段日子，我同老公會向花店訂幾個花籃💐，失驚無神咁送去比啲最近唔開心，又或者好耐無聯絡嘅朋友。簡小姐都喺我名單之內。因為佢好特別，所以我好想佢開心，同埋雖然無聯絡，但心血來潮，覺得要送比佢。
佢收到之後話比我知，原來佢嗰排無論身體定係屋企，都遇上問題，所以佢好開心收到花。
無記錯應該係十幾年前嘅事了，我已經唔記得。點知佢記到而家！
喺信入面佢提起我以前同佢講嘅嘢，送花嘅事，以及佢嘅近況。雖然佢身體仍然有啲問題，但天使嘅性格係唔會因為髮膚嘅損傷而改變嘅！ 一邊睇住佢嘅信，一邊回憶起啱啱出嚟做嘢嘅自己，真係算好幸運，至少遇到好多好人，包括簡小姐。
佢訂咗一條平安嘅手鍊比自己，我加碼送多個銀牌比佢，刻咗我希望佢擁有嘅祝福。
原來 「呢個世界總會有人想起你 」，呢句話係真的。
又，我呢排有啲懷疑自己，有啲想法係咪太天真。簡小姐嘅再次出現，似係話比我知，有人係默默支持緊你，佢哋未必會出聲，但佢哋真係喺度。而世界就係要加多幾個茶匙嘅天真，一個天真嘅行為，可以帶比人十幾年嘅美好回憶。
Leave a comment
Comments will be approved before showing up.
Also in Green Rivor's Blog
等幾耐都幫你等
個女人無笑容，撓埋雙手撓埋對腳，弓起個身打側咁坐 – 經典唔耐煩預備鬧人嘅body language 😤 .
我個早餐食咗一半，佢老公都仲未落嚟，我都忍唔住諗：「呀人哋老公，想點呀你，行快步啦唔該 🚶🏻♂️⋯⋯」
終於到咗！不過唔係老公 ⋯⋯
我個早餐食咗一半，佢老公都仲未落嚟，我都忍唔住諗：「呀人哋老公，想點呀你，行快步啦唔該 🚶🏻♂️⋯⋯」
終於到咗！不過唔係老公 ⋯⋯
人不可以貌相
由伯伯個門口去到我門口，唔洗十步。喺呢十步裡，我深切地領悟到一個宇宙真締：
書不可以睇封面，
人不可以貌相！
伯伯嘅故事，inspire 我去做一個 Life Story 嘅吊咀。唔係名人故事先至好睇，隔離阿叔嘅故事分分鐘勁到令人斷片。
我好鍾意寫人嘅故事，太精彩了！尤其係呢啲人不可以貌相嘅情節，簡直係一盆新鮮曲奇🍪🍪🍪！可口回味！
#人不可以貌相
