面對危機時,你的肌肉來了!

March 20, 2020

面對危機時,你的肌肉來了!

今日收到了老公嘅Whatsapp, 話公司今日裁員,雖然佢無事,但係見到一啲喺公司做咗廿幾年嘅同事被炒了,覺得好難受。

我以前都曾經比人炒過。突然炒🔥,當下係又嬲又驚。可能我天生有種盲目嘅樂觀,好快就諗下一份工做咩好呢?好嘢!可以再揀過!

當然啦,嗰陣時仲好年青(好似係26歲),比起而家有咗家庭,N咁多樣責任,完全唔會再有兩袖清風係瀟洒呢回事。

但人會成長,樂觀嘅質素同埋能力都會成長。年青時嘅樂觀,係被炒時可以攞返個餐牌出嚟,點吓其他工;年長了的樂觀,係有能力瞻前顧後再去部署。既然預計唔到嘅事發生咗喺自己身上,就要主動去做可以掌握嘅事。

而我會做嘅第一件事,就係發顛,人嚟㗎嘛!嬲好正常喎!然後喊到豬頭咁,務求一滴不漏咁發洩晒出嚟💦!不過發完脾四喊濕枕頭後,要即刻為自己揸返主意。

驚同埋嬲係好自然嘅感覺。繼續驚繼續頹可以話係舒服的,因為好自然,所以要同自然嘅感覺抗衡一定好唔自然,好唔舒服,但真係好似做gym咁,你每次抗衡都會練到啲肌肉🏋🏻‍♀️,然後一次比一次掌握得更好,甚至成為自然反應。

每一件事都係一個循環嘅開始。你今日嘅態度,會決定無數個聽日嘅行動,組成你嘅將來。而將來係base on 你嘅驚定係你嘅積極,really up to you. 其他人想插手都唔得。

遇到挫折嘅你無論係百萬富翁定係銀行得返$100, 做個點樣嘅決定係完全自由的。 唔好輸比恐懼,你得的。你一定得。





Leave a comment

Comments will be approved before showing up.


Also in Green Rivor's Blog

那個送你Dream Big頸鍊的老公
那個送你Dream Big頸鍊的老公

January 17, 2021

但當你生命中嗰位陪你到最後嘅人係支持你去追夢的話,就好似你要爬一條追夢嘅木梯,而佢就喺下面扶實,等你安心一步步爬上去。你無事時佢幫你扶穩條梯,你爬到驚嘅時候望返轉頭,佢會叫你繼續爬唔洗驚,就算你落返嚟佢都一樣喺度。 

View full article →

事情會過的,心可以被磨蝕,也可以被磨練。
事情會過的,心可以被磨蝕,也可以被磨練。

February 13, 2020

在消極的環境裡,要麼繼續向前行,用困難幫自己脫一層舊皮;要麼原地不動但要穩如泰山地迎接巨浪。但不可以後退不可以說自己不行不可以說「早知」。 

事情會過的,心可以被磨蝕,也可以被磨練。你自己決定。我看過生活在太平盛世下的自己。現在,我可決定生活在動盪不安的社會下,會是一個怎樣的自己。

View full article →

與其搵返舊嘅嘢,點解唔去做一個新嘅自己,reinvent 其實咪仲好?
與其搵返舊嘅嘢,點解唔去做一個新嘅自己,reinvent 其實咪仲好?

January 09, 2020

View full article →